Россия мигрантлар сони бўйича Европада Германиядан сўнг иккинчи ўринни эгаллади, деб ёзмоқда «ТАСС».
Халқаро миграция ташкилоти (ХМТ) маълумотларига кўра, Россияга 2019 йилда 11,6 миллион мигрантни қабул қилган. Уларнинг катта қисми Украинадан (3 миллиондан ортиқ), Қозоғистондан (қарийб 2,5 миллион) ва Ўзбекистондан (1,1 миллион) келган мигрантлардир.
Қайд этилишича, Россияга келган хорижликларнинг катта қисми меҳнат муҳожирларидир. Шу сабабли Россия ундаги мигрантлар ўз ватанига пул ўтказиши учун энг йирик манбалардан бири ҳисобланади. 2018 йилда Россиядан бошқа давлатларга юборилган пул ўтказмалари миқдори 21 миллиард долларни ташкил қилган.
«Бу ушбу мамлакатда секин-аста, аммо изчил равишда иқтисодий кўтарилиш бўлаётганини кўрсатади. Шу сабабли Россия меҳнат мигрантларини жалб қилишда давом этмоқда», дея изоҳ берган ХМТ.Халқаро пресс клубнинг «Пресс-қаҳва» дебатлари дастурининг ишсизлик ва меҳнат муносабатларига бағишланган анжуманида бугунги кунда 2 миллион 600 нафар Ўзбекистон фуқароси ўзга давлатларда меҳнат қилаётгани айтилган эди.
Кўпчилик Бандлик ва меҳнат муносабатлари вазирлигининг мазкур статистикаси реал ҳаётдаги рақамлардан фарқ қилишини айтади. Бироқ вазирлик вакили рақамлар ўртасидаги фарқ катта эмаслигини маълум қилган. Шунингдек, вазирлик мутасаддиси маълумотига кўра, хориждан ўтган йили меҳнат мигрантлари Ўзбекистонга 5 миллиарддан ортиқ валюта юборган.
Изоҳ (0)