Навоий вилояти ИИБ бошлиғининг умумий раҳбарлигида Миллий гвардия, Фавқулодда вазиятлар вазирлиги, ДХХ, прокуратура, ҳарбий қисмлар ҳамда ҳокимлик органлари ҳамкорлигида «Бошқарув органлари, ҳарбий қисмлар ва муассасаларни юқори жанговар шайлик даражасига келтириш, ҳамкорликдаги кучга эга тузилмаларнинг бўлинмалари билан ҳамкорликда Зарафшон шаҳар хавфсизлигини таъминлаш» мавзусида махсус тактик-ўқув машқлари ўтказилди. Бу ҳақда «Дарё»га Навоий вилояти ИИБ матбуот хизмати маълум қилди.
«Ўқув машқи 3 босқичда ўтказилди. Биринчи босқичда ўқув-машқ қатнашчиларини юқори жанговар шайлик даражасига келтириш, Зарафшон шаҳар ҳудудида юзага келган фавқулодда вазиятларни ўз вақтида бартараф этиш чора-тадбирлари кўрилди», — дейди вилоят ИИБ ҳарбий сафарбарлик бўлими бошлиғи капитан Шуҳрат Ражабов.
Ўқув-машқ давомида шартли жиноятчиларни тўсиб ушлаш, оммавий тартибсизликларни бартараф этиш, қуролланган жиноятчиларни қўлга олиш каби вазиятларда ички ишлар ходимлари ҳамда ҳамкорликдаги тузилмаларнинг фавқулодда ҳолатларда ҳаракатланиш кўникмалари синовдан ўтказилди.
Изоҳ (0)