Москвада 24 ноябрь, якшанба куни курак ва ломлар билан қуролланган ўнлаб Ўзбекистон ва Қирғизистондан келган ишчилар ўртасида оммавий жанжал содир бўлгани ҳақида хабар берилган эди.
Ўзбекистоннинг Россиядаги элчихонаси консуллик бўлими шу куни Москва шаҳрида оммавий муштлашув содир бўлгани тўғрисида ОАВда тарқалган хабарни тасдиқлади. Мазкур ҳодиса натижасида 15 киши, жумладан, 10 нафар Ўзбекистон фуқароси қўлга олинган. Бу ҳақда Ўзбекистон Ташқи ишлар вазирлиги хабар берди.
Маълумотларга кўра, жароҳатланганлар мавжуд эмас, низо футбол мусобақасида қоидалар бузилиши натижасида келиб чиққан. Айни пайтда дастлабки тергов олиб борилмоқда. Элчихонанинг консуллик бўлими вазиятни назоратга олди.
ТИВ хабарига кўра, ҳодиса оқибатида бир киши ҳалок бўлган. Бироқ ТИВ ҳалок бўлган кишининг шахсига ва фуқаролигига аниқлик киритмаган.
Изоҳ (0)