O‘zbekiston Transport vazirligining vakillari tomonidan ma’lum qilinishicha, aviachiptalar narxining 30—40 foizi kerosin bilan bog‘liq, mazkur yoqilg‘i mamlakatda yetarli bo‘lmagani uchun xorijdan qimmat narxlarda sotib olinadi. Bu haqda O‘zA xabar bermoqda.
Vazirlikning Transportni rivojlantirish departamenti boshlig‘i Ulug‘bek Bektoshev tomonidan qayd etilishicha, chet eldan kelgan samolyotlarga kerosinning bir tonnasi 1200 dollardan sotilar edi. Bugungi kunda yangi tizimga ko‘ra, Uzbekistan Airways kompaniyasi o‘zi uchun kerosinni sotib olmoqda. Xorijiy aviakompaniyalar uchun esa yangi narx belgilangan bo‘lib, u taxminan 890 dollarni tashkil qiladi.
Qayd etilishicha, hozirda mamlakatdagi 11 ta xalqaro aeroportda aviakompaniyalar uchun sharoitlar yaratilgan bo‘lib, Uzbekistan Airports aksiyadorlik jamiyati kerosinni import qilib sotmoqda.
Izoh (0)