Тошкентда яна бир йўл ўтказгич қуриш таклиф этилмоқда. Тегишли петиция «Менинг фикрим» жамоавий мурожаатлар порталига жойлаштирилди.
Мурожаатда айтилишича, бугунги кунда пойтахт йўлларида жуда кўп транспорт воситалари ҳаракатланмоқда. Аммо пойтахтнинг айрим кўчалари кўп миқдордаги транспорт воситалари оқимини қабул қилишга мўлжалланмаганлиги сабабли доимий равишда тирбандликлар вужудга келмоқда.
Мавзуга доир: Чилонзор туманида янги кўприк қурилиши мумкин
Юқоридагиларни инобатга олган ҳолда Чилонзор туманидаги йўлларда мавжуд тирбандликларни олдини олиш мақсадида Кичик ҳалқа автомобиль йўли ва Қатортол кўчалари кесишмаси («Шуҳрат» чорраҳасида) автомобиллар учун йўл ўтказгич (кўприк) қуриш таклифи берилган.
Петиция порталга 2 ноябрь куни жойланган бўлиб, белгиланган 90 кунлик муддатда етарли овоз (5 000) тўпласа, ваколатли давлат органи томонидан тегишли тартибда кўриб чиқилади.
Бундан аввал Чилонзор туманида янги кўприк қурилиши мумкинлиги ҳақида хабар берилганди.
Изоҳ (0)