Гавайи штати вакиллари палатаси аъзоси Тулси Габбард АҚШ президентлиги учун сайловларда ғалаба қозонса, хориждаги интервенционистик сиёсатга барҳам берилишилини ваъда қилмоқда. Бу ҳақда Габбард Жоржия штатининг Атланта шаҳридаги Демократик партиянинг 2020 йилги президентлик сайловлари учун номзодлар тақдим этиладиган бешинчи умуммиллий теледебатлар вақтида маълум қилган, деб ёзмоқда «ТАСС».
«Айни вақтда Демократик партиянинг ташқи сиёсатга масъул гуруҳини Ҳиллари Клинтон бошқармоқда ва у ҳарбий-ишлаб чиқариш комплекси масалаларига жавоб беради. Биз кичик Жорж Буш, Барак Обама ва Дональд Трампнинг ташқи сиёсатдаги нотўғри йўлига барҳам беришимиз лозим. Ушбу сиёсат туфайли минглаб Америка ҳарбийлари хориж мамлакатларига юборилмоқда», — дея қайд этган Тулси Габбард.
Шунингдек, у ташқи сиёсатга бундай муносабатда бўлишни тўхтатиш, хориждаги давлат тузумларини ўзгартириш учун қилинаётган уринишларга барҳам бериш кераклигини таъкидлаган. Номзоднинг фикрича, ушбу сиёсат Америка фуқароларининг миллиардлаб солиқлари эвазига амалга оширилмоқда.
Изоҳ (0)