AQSh prezidentligiga nomzod debatlar vaqtida davlat xorij mamlakatlari ichki siyosatiga aralashmasligi kerakligini ta’kidladi

Gavayi shtati vakillari palatasi a’zosi Tulsi Gabbard AQSh prezidentligi uchun saylovlarda g‘alaba qozonsa, xorijdagi intervensionistik siyosatga barham berilishilini va’da qilmoqda. Bu haqda Gabbard Jorjiya shtatining Atlanta shahridagi Demokratik partiyaning 2020-yilgi prezidentlik saylovlari uchun nomzodlar taqdim etiladigan beshinchi umummilliy teledebatlar vaqtida ma’lum qilgan, deb yozmoqda “TASS”.

“Ayni vaqtda Demokratik partiyaning tashqi siyosatga mas’ul guruhini Hillari Klinton boshqarmoqda va u harbiy-ishlab chiqarish kompleksi masalalariga javob beradi. Biz kichik Jorj Bush, Barak Obama va Donald Trampning tashqi siyosatdagi noto‘g‘ri yo‘liga barham berishimiz lozim. Ushbu siyosat tufayli minglab Amerika harbiylari xorij mamlakatlariga yuborilmoqda”, — deya qayd etgan Tulsi Gabbard. Mavzuga doir:

• AQSh davlat kotibi Mayk Pompeo iste’foga chiqmoqchi
• Amerika podpolkovnigiga Ukraina mudofaa vaziri bo‘lish taklif etildi. Keyinchalik bu hazil ekani xabar qilindi
• AQSh sobiq davlat kotibi Trampning Ukrainaga nisbatan olib borayotgan siyosatini qoraladi

Shuningdek, u tashqi siyosatga bunday munosabatda bo‘lishni to‘xtatish, xorijdagi davlat tuzumlarini o‘zgartirish uchun qilinayotgan urinishlarga barham berish kerakligini ta’kidlagan. Nomzodning fikricha, ushbu siyosat Amerika fuqarolarining milliardlab soliqlari evaziga amalga oshirilmoqda.