Tashkent City халқаро ишбилармонлик маркази ҳудудидаги савдо кўнгилочар маркази (СКМ) Ўрта Осиёда энг улканлари орасида: минтақа аҳолиси учун хизмат кўрсатиш ва мутахассислар малакасининг дунё стандартларига мослашиши мисолида.
Тошкентнинг эътиборга лойиқ масканларидан бири бўлиши режалаштирилган мазкур СКМ, харидорлар учун кўплаб қулайликлар яратиши билан бирга, шаҳар ҳамда бутун мамлакат ижтимоий ҳаётида қатор ижобий ўзгаришлар олиб келиши кутилмоқда.
Сўнгги йиллардаги статистик маълумотлар, аҳолининг харид жараёнига муносабатлари, аста секинлик билан бўлса-да савдо мажмуалари томон ўзагариб бораётганлигини кўрсатмоқда. Мисол учун, Ўзбекистон Республикаси Давлат Статистика қўмитаси тақдим этган маълумотларга кўра чакана савдо айланмаси 2018 йилда 6,5% га ўсган бўлса, шундан буюм, озиқ-овқат ҳамда ихтисослашган бозорлардаги савдо товар айланмаси 2017 йилда фақат 1,4 % га ўсиши ва сўнг 3,6% га пасайганини кўриш мумкин. Бу эса, йиллар давомида Ўрта Осиё халқлари учун анъанавий бўлиб қолган савдо расталари маълум ўрнини савдо марказларига бўшатиб бераётганлигини кўрсатади. Харидорлар учун савдо мажмуаларидаги шинамлик, аниқ нарх ва чеклар, сифатли хизмат ва маслаҳатлар, ёш болалар билан савдо қилиш имкониятлари ва кенг авотураргоҳлар қўшимча қиймат сифатида таклиф этилиб, уларнинг ишончи қозонилмоқда.
Албатта, ушбу табиий жараёнда Tashkent City Mall, бир неча рақобатбардош устунликлари эвазига, савдо марказларининг бозордаги ўрнини янада мустаҳкамлашини тахмин қилиш мумкин. Аввало, унинг ҳажм жиҳатидан Ўрта Осиёдаги етакчи ўринлардалиги эвазига, одамлар учун ташриф буюрилиши шарт бўлган масканлар қаторига қўшилиши турган гап. Аммо, «энг улкан», «энг ҳашаматли» ибораларидан узоқлашиб, мижозлар учун реал афзалликлар яратилишини инобатга олсак қуйидаги хулосага келишимиз мумкин.
Аввало, транспорт борасида харидорлар учун Tashkent City Mall’га, шаҳримизнинг исталган қисмидан узоғи 30 дақиқада етиб келиш имкони мавжуд – 4 та автобус, 4 та маршрутли такси ҳамда ер ости йўли ушбу вазифани мукаммал амалга ошириш учун хизмат қилади.
Тарих (архитектуравий шакллар), бугун (табиат) ва келажакни (юқори технологиялар) акс эттирувчи 3 та атриумга ажратилган мажмуада Ўзбекистон учун асосан илк бор кириб келаётган машҳур бренд дўконлари очилади.
Барча турдаги кийим-кечак, электроника, ўйинчоқлар, уй жиҳозлари дўконлари қаторида болалар учун улкан ўйингоҳ, 9 та залли кинотеатр, фитнесс ва спорт масканлари, тезкор ва секин тайёрланадиган овқатланиш муассасалари (fast food & slow food), кўргазма ва тадбир ҳудудлари ўрин олади.
Ташриф буюрувчилар учун хизмат кўрсатилишини юқори стандартларга олиб чиқиш учун 2500 автомобиль учун мўлжалланган улкан, 2-қаватли автотураргоҳнинг жойлашиши кўзда тутилган.
Tashkent City Mall’нинг ижтимоий аҳамияти ҳақида сўз борганда, унинг тўлиқ ишга туширилиши аҳолига хизмат кўрсатишни янада юқори поғонага олиб чиқиши, марказда савдо ҳамда хизмат кўрсатиш соҳасидаги банд аҳолининг иш малакаси халқаро стандартларга мослашишига олиб келади. Умумий 2000 та иш ўрни яратилиши режалаштирилган савдо марказида, маҳаллий аҳоли учун жаҳон брендлари мисолида савдо, маркетинг, логистика, брендинг, меҳнат ресурслари, етказиб бериш занжирларини бошқариш ва ҳоказо каби соҳалардаги билим ва кўникмаларни ўстириш шароити яратилади.
Тошкент инфратузилмасида юксак ривожланишни акс этаётган Tashkent City Mall, туризм учун ҳам жалб қилувчи омил вазифасини бажаради. Лойиҳанинг қулай жиҳати, у нафақат мамлакат аҳолиси, балки Шимкент, Хўжанд ва бошқа қатор қўшни мамлакат шаҳарлари учун ҳам олди-сотди жараёнларини амалга ошириш имконини яратади.
Шубҳасиз, мазкур мажмуа давлатимиз равнақидаги сезиларли қадам бўлмоқда, бу эса унга халқаро хизмат кўрсатиш трендларига тўлиқ жавоб бериш вазифасини юклайди. Шу сабабли, савдо кўнгилочар марказнинг барпо этилишида қабул қилинган параллел лойиҳалаш эвазига, қурилиш дастури ҳамда технологиялари барқарор ривожлантириб борилади.
Хулоса қилиб шуни айтиш мумкинки, лойиҳанинг энг асосий хусусиятларидан бири тариқасида, унинг катта ўлчамлари эвазига халқнинг турли туман дидларига, қарашларига ва савдо қобилиятига мос таклифлар тўпламини ўзида жамлаш ва уларга юқори сифатли хизмат кўрсатиши кабилар режалаштирилган.
Реклама ҳуқуқи асосида.
Изоҳ (0)