Crafers қандолат фабрикаси VII «Foodex Saudi 2019» халқаро кўргазмасида иштирок этди ва фахрий ҳайкалча билан биргаликда «Innovation Awards 2019» номинацияси бўйича – Шафтоли ва ваниль уйғунлигидаги сутли шоколад «Peach and Vanilla» маҳсулоти учун диплом билан тақдирланди.
«Foodex Saudi 2019» озиқ-овқат ва ичимлик маҳсулотлари савдо-сотиғи соҳасида бизнес-алоқалар ва узоқ муддатли ҳамкорликларни ўрнатиш учун самарали майдон ҳисобланади. Ушбу кўргазма 2019 йилнинг 11 ноябрдан 14 ноябрь кунига қадар Саудия Арабистоннинг Жидда шаҳридаги қироллик олий ҳазратлари Шаҳзода Фахда бин Мукрина бин Абдулазиз ал-Сауда раҳнамолиги остида Форумлар ва тадбирлар марказида бўлиб ўтди.
Бу йил кўргазмада 51 та мамлакатдан 700 дан ортиқ компаниялар турли соҳалар бўйича, шулардан Осиё, Европа ва бошқа мамлакатлардан 50 га яқин компаниялар қандолатчилик соҳалари бўйича иштирок этишди. Ушбу кўргазмада Crafers ўзининг қандолат маҳсулотларининг кенг турдаги ассортиментлари билан қатнашди. Улар шоколадли маҳсулотлар, печенье, вафли, маршмеллоу ва турли турдаги конфет ширинликларидир.
Кўргазманинг асосий воқеаси бўлиб, озиқ-овқат саноатида энг муҳим ва инновацион маҳсулот деб тан олинган ишлаб чиқарувчиларни тақдирлаш маросими бўлди. Ғолиблар босқичма-босқич аниқланди, дастлабки босқичда турли брендлар маҳсулотлари танлаб олинди, иккинчи босқичда эса ҳайъат аъзолари томонидан танлаб олинган маҳсулотлар лаззати татиб кўрилди, шу билан бирга озиқ-овқат маҳсулотлари соҳасидаги мутахассислар ва кўргазма иштирокчилари фикрлари тўпланди. Ҳакамлар ҳайъатига бутун жаҳон бош ошпазлари уюшмаси президенти — Томас Гуглер (Thomas A.Gugler, БАА ошпазлар Гильдияси президенти — Ювь Майкл (UweMichael) ва БАА Университети доктори – доктор Адель Махдум (Dr.Adel Makhdoum) бошчилик қилишди.
Маҳсулотларни татиб кўриш хулосасига кўра, шафтоли ва ванил уйғунлигидаги сутли шоколад 2019 йилнинг энг инновацион маҳсулоти деб тан олинди ва Crafers компанияси «Innovation Awards 2019» дипломи ва ҳайкалчаси билан тақдирланди. Ушбу маҳсулот WDS юқори технологик тармоғида шоколад массасини қайноқ тўлдирма билан уйғунлаштириб, темперлашнинг мураккаб жараёнидан бошлаб, қайта қизитиб бўлмайдиган +10°С дан кам бўлган ҳарорат остида шоколад массасини муҳрлаш орқали бетакрор тарзда ишлаб чиқарилади. Бундан ташқари, ушбу маҳсулотнинг умумий оғирлиги — 200 грамм бўлиб, 5 та плиткаларни ўз таркибига олган ва ҳар бири алоҳида фольгага ўралган ҳолда қадоқланишини таъкидлаб ўтиш жоиз.
Ҳакамлар ҳаъяти томонидан Crafers’га нисбатан, ўз маҳсулотларини ишлаб чиқаришда ишлатаётган хом ашёларининг табиийлиги, оригинал рецептлари ва маҳсулот қадоқларининг ўзига хос дизайнерлик ечимга эгалиги, шу билан бирга, инновацион баҳолашнинг асосий мезони бўлган экологик қадоқ эканлиги, уйғунлик, хушбўйлик, таркиб ва барчамизга машҳур бўлган ширинликлар лаззатлари мавжудлиги борасида ижобий фикрлар билдирилди.
«Мукофотланганлар қаторида Crafers ҳам бор эди, у кўпчиликни нафақат ўзининг маҳсулотлари билан, балки замон билан ҳамнафас тарзда ҳаракатланаётган ва тараққиёт ютуқларидан завқланиб келаётган мамлакат сифатида, яъни Ўзбекистон давлати тўғрисидаги тушунчаларнинг мустаҳкамланишига ўз ҳиссасини қўшди. Crafers шоколади энг юқори даражада тақдим этилди ва у менга «Godiva» брендининги Швейцария сифатини эслатди», — дея таъкидлаб ўтди, бутун жаҳон бош ошпазлари уюшмаси президенти Томас Гуглер «БАА аҳолиси учун Ҳалол стандартларига жавоб берувчи маҳсулотларни истеъмол қилиш муҳим ҳисобланади. Ўзбекистонда замонавий тенденциялар ва таъм ва сифат бўйича ҳалол стандартларига жавоб берувчи кенг кўламли мана шундай қандолатчилик фабрикаси мавжуд эканлиги ҳақида билиб жуда хурсанд бўлдим», — деб изоҳ берди, Aman Group тадбиркорларидан бири.
Crafers эришган ютуқлари билан тўхтаб қолмайди, компания мамлакат иқтисодиётига доимий равишда ҳисса қўшувчи ва Ўзбекистон Республикасини халқаро миқёсда ғурур билан намойиш этувчи қандолатчилик соҳасини янада ривожлантиришни режалаштирмоқда.
Батафсил маълумотларни (+998 71) 207 7 207 рақами, шу билан бирга, расмий www.crafers.uz веб-сайти ва Facebook ва Instagram саҳифалари орқали олишингиз мумкин.
Реклама ҳуқуқи асосида.
Изоҳ (0)