Ўзбекистон Энергетика вазирлиги ҳузуридаги Атом энергетикасини ривожлантириш агентлиги — «Ўзатом»нинг логотипи тасдиқланди. Бу ҳақда агентлик томонидан маълум қилинди.
Хабар берилишича, Ўзбекистон Республикасининг «Товар белгилари, хизмат кўрсатиш белгилари ва товар келиб чиққан жой номлари тўғрисида»ги қонунига мувофиқ Энергетика вазирлиги ҳузуридаги Атом энергетикасини ривожлантириш агентлигининг логотипи Адлия вазирлиги ҳузуридаги Интеллектуал мулк агентлиги томонидан тасдиқланган.
Логотипда катта ҳарфлар билан UZATOM сўзи акс эттирилган. Шунингдек, логотипдан илм-фан ва технологик тараққиётнинг рамзи сифатида — атом тасвири ўрин олган.
Маълумот учун, агентлик Президентнинг «Ўзбекистон Республикасида атом энергетикасини ривожлантириш чора-тадбирлари тўғрисида» 2018 йил 19 июлдаги фармони ва «Ўзбекистон Республикаси Вазирлар Маҳкамаси ҳузуридаги Атом энергетикасини ривожлантириш агентлиги фаолиятини ташкил этиш тўғрисида» қарорига мувофиқ ташкил этилган.
Изоҳ (0)