«Нефть ва газгеология-қидирув ишларини ташкил этиш ва олиб бориш тизимини такомиллаштириш чора-тадбирлари тўғрисида»ги Президент қарори қабул қилинди, деб хабар бермоқда «Ҳуқуқий ахборот» канали.
Қарор билан Давлат геология ва минерал ресурслар қўмитасига янги углеводород хом ашёси конларини очиш учун нефть ва газ истиқболли тузилмаларини аниқлаш ва тайёрлашга қаратилган илмий-тадқиқот, регионал геологик-тасвирлаш, геофизик ва бурғулаш ишларини олиб бориш ҳамда бошқа қўшимча функциялар юклатилди.
2020 йилдан бошлаб нефть ва газ минерал хом ашё базасини ривожлантириш ва қайта тиклаш йиллик давлат дастурлари Давлат геология ва минерал ресурслар қўмитаси томонидан тегишли вазирликлар билан келишилган ҳолда ишлаб чиқилади ва тасдиқланади.
«Ўзбекнефтгаз» АЖ ва «Ўзбурғунефтгаз» АЖнинг «Ўзбекгеофизика» АЖ ҳамда «Нефть ва газ конлари геологияси ва қидируви институти» АЖнинг устав капиталларидаги улушлари Давлат активларини бошқариш агентлигига ўтказилди.
Эндиликда ер қаърини геологик ўрганиш, фойдаланиш ва муҳофаза қилиш ҳамда кончилик соҳасидаги қонун ҳужжатлари лойиҳалари Давлат геология ва минерал ресурслар қўмитаси билан келишилади.
Шу билан бирга, Давлат геология ва минерал ресурслар қўмитаси раисининг нефть ва газ геология-қидирув ишларини ўтказиш масалаларини мувофиқлаштирувчи ўринбосари лавозими жорий этилиб, қўмита тузилмасида яна янги учта бошқарма ташкил этилди.
Изоҳ (0)