2019 йил 14 ноябрь куни S&P Global Ratings халқаро рейтинг агентлиги ХАТБ «Orient Finans» банкнинг юқори молиявий кўрсаткичларга эришганлигини инобатга олиб, унинг узоқ муддатли рейтингини «B-» дан «B» гача оширди, ҳамда банкнинг қисқа муддатли рейтингини «Ижобий» прогнози билан «B» босқичда тасдиқлади.
ХАТБ «Orient Finans» рейтингларининг оширилиши банк фаолиятида эришилган юқори молиявий кўрсаткичлар ва кредитлаш суръатларининг ўсиши натижасида банк капиталининг сезиларли даражада ошганини акс эттиради.
Қайд этиш жоизки, 2019 йил январь ойида S&P Global Ratings халқаро рейтинг агентлиги томонидан ХАТБ «Orient Finans» кредит рейтинглари прогнози «Барқарордан» «Ижобийга» қайта кўриб чиқилган эди.
Яқин 12—18 ой давомида банк молиявий кўрсаткичлари жорий ҳолатда қолиши таъминланса, хусусан, капитални барқарор бошқариш сиёсати давом эттирилиб, кредитлаш жараёнида йўқотишлар бўлмаса, ҳамда, банк бизнес фаолиятида ўсиш суръатлари кузатилса, ХАТБ «Orient Finans» банкга берилган «Ижобий» прогнози рейтингини янада кўтариш имконияти мавжуд.
Реклама ҳуқуқи асосида.
Изоҳ (0)