Шунингдек, Тошкент шаҳар ҳокимлиги шаҳар ҳокими Жаҳонгир Ортиқхўжаев овози сифатида тарқатилган аудиоёзув масаласига ойдинлик киритиш ва уни ҳар томонлама ўрганиш мақсадида мутасадди идоралар вакилларидан иборат ишчи гуруҳ тузилганини хабар қилди. Ҳокимлик ҳам ўрганиш натижалари бўйича қўшимча маълумот берилишини маълум қилган.
16 ноябрь куни ижтимоий тармоқларда Тошкент шаҳар ҳокими Жаҳонгир Ортиқхўжаевнинг журналистларни йўқ қилиш таҳдиди акс этган аудиоёзуви тарқалди. «Адолат» социал-демократик партияси биринчилардан бўлиб ушбу аудиёзувга муносабат билдирди. Партия ҳолатни инсон ҳуқуқлари ва унинг шаъни, қадр-қиммати, дахлсиз ҳуқуқларининг бузилиши деб ҳисоблашини маълум қилди.
АОКА аудиоёзув бўйича ўрганиш олиб борилаётгани ҳамда ўрганиш натижасида тегишли чоралар кўрилишини маълум қилди.
Халқ демократик партияси Жаҳонгир Ортиқхўжаевнинг журналистларга таҳдидини халқ ва давлатга ҳурматсизлик деб баҳолаган бўлса, «Миллий тикланиш» аудиоёзув ҳақиқийлиги исботланмагунга қадар унга муносабат билдиришдан бош тортгани ҳақида хабар берилганди.
Шунингдек, Ўзбекистон журналистлар уюшмаси Жаҳонгир Ортиқхўжаев билан боғлиқ аудиоёзув бўйича ҳуқуқ-тартибот идоралари ўз хулосаларини билдириши кераклигини маълум қилганди.
Мавзуга доир:
- Жаҳонгир Ортиқхўжаев журналистларни йўқ қилиш билан таҳдид қилди (аудио)
- «Адолат» партияси Жаҳонгир Ортиқхўжаевнинг тарқаган аудиосига муносабат билдирди
- АОКА Жаҳонгир Ортиқхўжаевнинг журналистларни йўқ қилиш таҳдиди ҳақида: «Биз вазиятдан хабардормиз, тегишли чоралар кўрилмоқда»
- ХДП Жаҳонгир Ортиқхўжаевнинг журналистларга таҳдидини халқ ва давлатга ҳурматсизлик деб атади
- «Миллий тикланиш» эса аудиоёзув ҳақиқийлиги исботланмагунча унга муносабат билдиришдан бош тортди
- Журналистлар уюшмаси Жаҳонгир Ортиқхўжаев билан боғлиқ аудиоёзув бўйича ҳуқуқ-тартибот идоралари ўз хулосаларини билдириши кераклигини маълум қилди
Изоҳ (0)