Ўзбекистон Республикасининг «Умумий ҳарбий мажбурият ва ҳарбий хизмат тўғрисида»ги Қонунига ўзгартириш ва қўшимчалар киритилади, деб хабар беради ЎзА.
Муҳокама учун эълон қилинган ҳужжатга кўра, қонуннинг 29-моддаси (Ҳарбий хизматдан бўшатиш) биринчи қисми қуйидаги таҳрирда баён этилади:
«Ҳарбий хизматчини ҳақиқий ҳарбий хизматдан бўшатиш қуйидаги асосларга кўра амалга оширилади:
- ёш бўйича – у ҳарбий хизматда бўлишининг белгиланган ёш чегарасига етганида, шу жумладан белгиланган тартибда узайтирилган ҳарбий хизмат муддати тугаганда;
- муддатли ҳарбий хизмат муддати тугаганда – чақирув бўйича муддатли ҳарбий хизматнинг қонунчиликда белгиланган муддати тугаганда (бўшатиш учун бошқа асослар бўлмаган тақдирда);
- контракт муддати тугаганда – бўшатиш учун бошқа асослар бўлмаган тақдирда, агар амалдаги контрактнинг тугаши вақтида ҳарбий хизматчи ёки вазирлик, давлат қўмитаси ва идора томонидан янги контракт тузмаслик тўғрисида қарор қабул қилинган бўлса;
- ташкилий-штат тадбирлари муносабати билан, ҳарбий хизматчидан хизматда фойдаланиш имконияти бўлмай қолганда ва уни бўшатишга бошқа асослар бўлмаган тақдирда;
- соғлиғининг ҳолатига кўра – уни ҳарбий-тиббий комиссия ҳарбий хизматга яроқсиз деб топганлиги муносабати билан;
- томонлардан бирининг ташаббусига кўра контракт муддатидан олдин бекор қилинганлиги муносабати билан;
- интизомсизлиги сабабли курсантлар олий ҳарбий таълим муассасасидан ўқишдан четлаштирилиши муносабати билан, бўшатишга бошқа асослар бўлмаган тақдирда;
- ҳарбий хизматчи номига доғ туширувчи хатти-ҳаракат содир этганда;
- давлат сирлари билан ишлаш рухсатномасидан маҳрум қилинганлиги муносабати билан;
- озодликдан ёки ҳарбий унвондан маҳрум этиш билан боғлиқ бўлган жазо чораларини назарда тутувчи суд ҳукми қонуний кучга кирганда;
- қонунчиликка мувофиқ Ўзбекистон Республикасининг фуқаролигини йўқотганлиги муносабати билан ёхуд бошқа давлатнинг фуқаролиги мавжуд бўлганда.».
«Ҳарбий хизматчини ҳақиқий ҳарбий хизматдан бўшатиш қуйидаги асосларга кўра амалга оширилади:
- у ҳарбий хизматчиларнинг ҳарбий хизматда бўлишининг белгиланган ёш чегарасига етганида;
- муддатли ҳарбий хизмат муддати тугаганда;
- контракт муддати тугаганда;
- штатлар қисқарганда ёки бошқа ташкилий-штат тадбир-чоралари муносабати билан ҳарбий хизматчидан хизматда фойдаланиш имконияти бўлмай қолганда;
- саломатлигига кўра — уни ҳарбий-тиббий комиссия ҳарбий хизматга яроқсиз деб топганлиги муносабати билан;
- қонун ҳужжатларига мувофиқ тарафлардан бирининг ташаббусига кўра контракт муддатидан олдин бекор қилинганлиги муносабати билан;
- ҳарбий-таълим муассасасидан ўқишдан чиқарилганлиги муносабати билан;
- хизмат вазифасига нолойиқ бўлиб қолганда;
- Ўзбекистон Республикаси фуқаролигидан маҳрум бўлиши муносабати билан;
- ҳарбий хизматчи ҳарбий унвонидан маҳрум этилиши муносабати билан;
- суд ҳукми қонуний кучга кирганда, қонун ҳужжатларида назарда тутилган ҳоллар бундан мустасно.
«Ҳарбий хизматчилар ҳарбий хизматдан резервга, ҳарбий ҳисобдан чиқарилган тақдирда эса истеъфога бўшатилади.»
Қуйидаги мазмундаги тўртинчи қисм билан тўлдирилади:
«Резервда бўлишнинг белгиланган ёш чегарасига етган ёки ҳарбий-тиббий комиссия томонидан соғлиғининг ҳолатига кўра ҳарбий ҳисобдан чиқарилган ҳолда ҳарбий хизматга яроқсиз деб топилган, шунингдек Ўзбекистон Республикаси фуқаролигини йўқотган ёхуд бошқа давлатнинг фуқаролигига эга бўлган ҳарбий хизматчилар истеъфога бўшатилади».
Изоҳ (0)