Самарқанд вилояти Оқдарё туманида эр ўзаро жанжал натижасида аввал турмуш ўртоғини ўлдириб, сўнг ўз жонига қасд қилди. Бу ҳақда Бош прокуратура матбуот котиби Ҳаёт Шамсутдинов хабар берди.
12 ноябрь куни соат 00:10 ларда Оқдарё тумани «Бошдархон» маҳалласида яшаган 23 ёшли Ҳ.Т. 25 ёшли турмуш ўртоғи Д.В. билан жанжаллашиб, уни қўллари билан бўғиб ўлдирган. Сўнг уйида арқон билан ўзини осиб, жонига қасд қилган.
Мазкур ҳолат юзасидан Оқдарё тумани прокуратураси томонидан Жиноят кодексининг 97-моддаси 2-қисми «б» банди (Ҳомиладорлиги айбдорга аён бўлган аёлни қасддан ўлдириш) билан жиноят иши қўзғатилган.
Изоҳ (0)