АҚШ ва Хитой товарларга қўйиладиган божларни босқичма-босқич пасайтиришга келишиб олди. Бу ҳақда Bloomberg хабар бермоқда.
Фото: АП
The Wall Street Journal нашрига кўра, келишувнинг биринчи босқичи АҚШ қишлоқ хўжалиги маҳсулотларини Хитойга етказиш, валюта курсларини сунъий ўзгартиришнинг олдини олиш, интеллектуал мулк ҳимояси бўйича чоралар ва Хитой бозорини Қўшма Штатлар компаниялари учун очишни кўзда тутади.
АҚШ президенти Дональд Трамп мазкур келишув шартларига биноан Хитой Қўшма Штатлар қишлоқ хўжалиги маҳсулотлари импортини 40-50 миллиард долларга оширишини маълум қилган.
Икки давлат етакчилари ушбу келишувни Чили пойтахтида 16—17 ноябрь кунлари бўлиб ўтадиган Осиё-Тинч океани иқтисодий ҳамкорлиги саммитида имзолаши режалаштирилганди. Бироқ Чилидаги оммавий намойишлар туфайли саммит қолдирилди.
