5 ноябрь куни Тошкент шаҳридаги International Hotel Tashkent меҳмонхонасида Бутунжаҳон стронгмен федерацияси ва Бутунжаҳон этноспорт альянси (World Ethnosport) кенгашининг матбуот анжумани бўлиб ўтди. Бу ҳақда Туризмни ривожлантириш давлат қўмитаси хабар берди.
Тадбирни Ўзбекистон бош вазир ўринбосари Азиз Абдуҳакимов очиб берди.
Матбуот анжуманида UzReport ахборот агентлигининг бош директори Равшан Жўраевни Бутунжаҳон стронгмен федерацияси президенти ва Бутунжаҳон этноспорт иттифоқи кенгаши раиси этиб, Абдулазиз Аққулов эса Ўзбекистонда янги ташкил қилинган Этноспорт ва стронгменлар федерацияси раҳбари этиб тайинлангани эълон қилинди.
Бутунжаҳон стронгмен федерацияси ва Бутунжаҳон этноспорт альянси раҳбарлари Ўзбекистонда Этноспорт ва стронгмен федерацияси ташкил қилинишини қўллаб-қувватлашга ҳамда республикада мазкур спорт турларини ривожлантириш бўйича яқин ҳамкорлик қилишга тайёр эканлигини маълум қилди.
Изоҳ (0)