Тошкент шаҳар ҳокими маҳкамаси Молия бош бошқармасида тасдиқланган декларацияда янги тарифлар белгиланди, деб хабар беради Норма.
16 ноябрдан Тошкент шаҳри бўйича III гуруҳ тижорий истеъмолчилари бўлган юридик шахслар учун қуйидаги ставкалар жорий этилмоқда:
- сув таъминоти бўйича — 1 метр куб учун 730 сўм (ҚҚСсиз);
- оқава сув бўйича— 1 метр куб учун 460 сўм (ҚҚСсиз).
Сув таъминоти ва оқава сувни чиқариш хизматлари кўрсатиш қоидалари бўйича истеъмолчилар учта гуруҳга бўлинган:
- I – хусусий уй-жойларда ва кўп квартирали уйдаги хонадонларда яшайдиган жисмоний шахслар;
- II – иссиқлик таъминоти ташкилотлари, ИСКХ ташкилотлари, Мудофаа вазирлиги ва бошқа ташкилотларнинг идоравий уй-жой фонди ва ётоқхоналари, бюджет ташкилотлари, диний ташкилотлар, элчихоналар ва дипломатик ваколатхоналар, фуқароларнинг ўзини ўзи бошқариш органлари, ХУМШ;
- III – I ва II гуруҳга кирмаган ташкилотлар.
Мавзуга доир: Ўзбекистонда иситиш ва иссиқ сув учун тарифлар ҳам ошади
Изоҳ (0)