5-noyabr kuni Toshkent shahridagi International Hotel Tashkent mehmonxonasida Butunjahon strongmen federatsiyasi va Butunjahon etnosport alyansi (World Ethnosport) kengashining matbuot anjumani bo‘lib o‘tdi. Bu haqda Turizmni rivojlantirish davlat qo‘mitasi xabar berdi.
Tadbirni O‘zbekiston bosh vazir o‘rinbosari Aziz Abduhakimov ochib berdi.
Matbuot anjumanida UzReport axborot agentligining bosh direktori Ravshan Jo‘rayevni Butunjahon strongmen federatsiyasi prezidenti va Butunjahon etnosport ittifoqi kengashi raisi etib, Abdulaziz Aqqulov esa O‘zbekistonda yangi tashkil qilingan Etnosport va strongmenlar federatsiyasi rahbari etib tayinlangani e’lon qilindi.
Butunjahon strongmen federatsiyasi va Butunjahon etnosport alyansi rahbarlari O‘zbekistonda Etnosport va strongmen federatsiyasi tashkil qilinishini qo‘llab-quvvatlashga hamda respublikada mazkur sport turlarini rivojlantirish bo‘yicha yaqin hamkorlik qilishga tayyor ekanligini ma’lum qildi.
Izoh (0)