Греция шимоли-шарқидаги Ксанти шаҳрида ичида 41 нафар нолегал муҳожир бўлган юк машинаси ушланди. Транспорт ичидаги одамлар ҳаво етишмаслигидан ҳалок бўлиши мумкин эди, деб хабар берди «РИА Новости».
Полиция контейнер ташувчи юк машинасини пулли автотрасса тўловини амалга ошириш нуқтасида тўхтатган.
Контейнер ичида 41 нафар нолегал муҳожир бўлган. Уларнинг аксарияти нафас олишга қийналган ва шу сабабли Ксанти ва Кавалидан оғир аҳволдаги одамларни шифохонага етказиш учун тез тиббий ёрдам машиналари чақирилган.
Мавзуга доир:
Аввал тўрт ой ичида Грецияга 40 минг нафар муҳожир ва қочоқ кириб келгани, мамлакатнинг айрим вилоятларида маҳаллий аҳоли уларнинг ўзлари яшайдиган ҳудудларга кўчириб ўтказилишига қарши норозилик намойишлари ўтказаётгани хабар қилинганди.
Изоҳ (0)