Ироқда Эрон консуллигига уюштирилган ҳужум натижасида беш нафар одам ҳалок бўлди

Ироқнинг Карбало шаҳридаги норозилик намойишлари вақтида Эрон консуллигига ҳужум уюштирилган, деб ёзмоқда «РИА Новости».

Карбалодаги намойишлар ва Эрон консуллигига ҳужум вақтида беш нафар одам ҳалок бўлган ва бир неча Ироқ фуқаролари жароҳатланган.

Бироқ Инсон ҳуқуқлари бўйича Ироқ олий комиссияси маълумотига кўра, полиция намойишчиларни тарқатишга уринган вақтда Карбалода уч нафар одам қурбон бўлган.

Эрон консуллигининг эшиклари ёқиб юборилгани ва дипломатик миссияни қўриқлаётган хавфсизлик ходимлари намойишчиларга қарата ўт очган. Норозиликлар иштирокчилари консулликдаги Эрон байроғини Ироқникига алмаштириб қўйган.

Намойишлар ўтаётган Ироқ вилоятлари ва шаҳарларида 4 ноябрь, душанба куни мамлакат миқёсида қўзғалон кўтарилиши эълон қилинган. Асосий автотрассалар ёпиб қўйилган.Ироқдаги ҳукуматга қарши намойишлар 1 октябрда бошланган. Маълум вақт танаффусдан сўнг яна қайта бошланган норозиликларда полиция ҳамда халқ ўртасида кучли тўқнашувлар кузатилмоқда. Намойишчилар вилоятлардаги сиёсий партиялар офислари, маҳаллий ҳокимликлар ва дипломатик ваколатхоналар биноларини ёқишга урингани ва уларнинг айримларига ўт қўйгани, Ироқдаги намойишларда ҳалок бўлганлар сони 250 нафардан ошгани хабар қилинган.