Байкалортидаги ҳарбий қисмда аскар 8 нафар хизматдошини отиб ташлаганидан сўнг Россия мудофаа вазири Сергей Шойгу йиғилиш ўтказиб, қўл остидагиларни қаттиқ танқид қилган. Бу ҳақда «РБК» хабар бермоқда.
Шойгунинг айтишича, ҳарбий қисм мансабдор шахслари буйруқ талабларини қатъий бажарганида қотилликда айбланган муддатли ҳарбий хизматчи Рамил Шамсутдинов қуролли қоравулга турмаган бўларди.
Вазир келгусида уч суткали қўриқлашга турадиган бўлинмаларни фақат шартнома асосида хизмат қиладиганлардан тузишни буюрди. Шунингдек, чақирилувчиларнинг руҳиятини чуқурлаштирилган ҳолда текширишни топширди.
Шойгу юз берган ҳодисани «мисли кўрилмаган жиноят» деб атаган ва тергов якунлари бўйича масъулиятсизликка йўл қўйганлар жавобгарликка тортилишини билдирган.
Изоҳ (0)