Сурияга Иордания ва Ливандан 1,4 мингдан ортиқ қочоқ қайтиб келди

Сурияга ортда қолган бир сутка ичида 740 нафар одам Ливандан ва 700 нафардан кўп қочоқ Иорданиядан қайтиб келган. Бу ҳақда «РИА Новости» хабар берди.

Хабарга кўра, Сурия араб республикасига бир сутка давомида хориж давлатларида 1443 нафар қочоқ Ливан билан «Жейдет Ябус» ва «Телл-Каллах» постлари орқали 737 нафар (222 нафар аёл, 375 нафар бола); Иорданиядан «Насиб» чегар пости орқали 706 нафар (212 нафар аёл, 360 нафар бола) қайтиб келган.

Мамлакат ҳудудида ўз уйини ташлаб қочиб юрган одамлардан уч нафари ўз ҳудудига қайтган.

Сурия қуролли кучларининг инженерлик бўлинмалари Дераа вилоятидаги Ал-Харра ва Жасим, Дамашқ вилоятидаги Дума аҳоли пунктларини миналардан тозалаган. Мутахассислар 2,4 гектар майдонни миналардан тозалаб, 33 та портловчи қурилмани йўқ қилган.

Аввал 900 нафардан кўпроқ қочоқ хориж давлатлари ҳудудидан Сурияга қайтгани Тўртта турар жой, шифохона ва тармоқ электрстанцияси қайта тиклангани хабар қилинганди.

«Тинчлик булоғи» операцияси ҳақида9 октябрда Анқара Сурия шимоли-шарқида Туркиядаги қочоқлар учун хавфсиз зона ташкил этиш мақсадида «Сурия демократик кучлари» курд жангарилари ва ИШИД террорчиларига қарши «Тинчлик булоғи» ҳарбий операциясини бошлаган. Дунё давлатлари туркларнинг ушбу ҳаракатларини қоралаган.

17 октябрда Анқара ва Вашингтон Сурия шимоли-шарқидаги операцияни 120 соатга, курдлар хавфсиз зона ҳудудидан чиқиб кетиши учун тўхтатишни келишиб олди.

22 октябрда Сочида Россия президенти Владимир Путин ва Турия давлат раҳбари Ражаб Тоййиб Эрдўғон Сурия ҳудудидаги нотинч вазиятни муҳокама қилди ва «Тинчлик булоғи» операциясини 23 октябрдан яна 150 соатга тўхтатиш ва ўт очмаслик ҳақидаги шартлашув муддати якунига етгач ҳамкорликда Туркия—Сурия чегарасида 30 километрлик ҳудудни барпо этиш учун қўшма патрул тадбирлари ўтказиш ҳақида меморандум имзолади. Меморандумда Башар Асад ҳукуматининг қўшинлари Туркия билан чегара ҳудудида 15 та пост ўрнатиши белгилаб қўйилган.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.