Профессионал бокснинг ярим оғир (-79,4 кг) вазн тоифаси WBO йўналиши чемпионлик камари учун кечган жангда мексикалик Сауль «Канело» Альварес (53-1-2, 36 КО) камарнинг амалдаги соҳиби россиялик Сергей Ковалёвни (34-4-1, 29 КО) мағлубиятга учратди.
Сауль Альварес россиялик рақибини 11-раундда чуқур нокаут ҳолатига туширди ва муддатидан олдин ғалаба қозонди.
Натижада мексикалик боксчи ўзининг тўртинчи вазндаги чемпионлигини тантана қилди. Қайд этиш керак, Саулга қадар фақатгина икки нафар мексикалик — Хуан Мануэль Маркес ва Эрик Моралес тўртта вазнда чемпион бўлганди.
Изоҳ (0)