Молия вазирлиги 2020 йил давлат бюджети лойиҳасига бағишланган «Фуқаролар учун бюджет» ахборот нашрининг навбатдаги сонини тақдим этди.
Унда давлат бюджети ва давлат мақсадли жамғармаларининг 2020 йил учун даромадлари ва харажатлари прогнозлари, шунингдек, 2021—2022 йиллар учун бюджет мўлжаллари тўғрисидаги маълумотлар кўрсатилган.
Жумладан, таълим соҳасига 30 триллион сўм йўналтирилиши кутилмоқда. Бу давлат бюджети харажатларининг қарийб ярмини, ижтимоий соҳага ёки умумий харажатларнинг 22,9 фоизини ташкил этади. Шундан 5 триллион сўмдан ортиғи макатабгача таълимга, 20 триллиондан ортиғи ёки умумий таълим харажатларининг 70 фоизи умумтаълим ва мактабдан ташқари муассасаларни молиялаштириш учун йўналтирилади.
Соғлиқни сақлаш соҳасига 14 триллион сўм ажратилиши кўзда тутилган. Ушбу маблағлардан шошилинч тиббий ёрдам, режали тиббий ёрдам, ихтисослашган тиббий ёрдам, паллиатив тиббий ёрдам харажатлари қопланади.Шунингдек, 2020 йилда аҳолига нафақалар, моддий ёрдам ва компенсация тўловларига давлат бюджети ҳисобидан 6,5 триллион сўм миқдорида маблағ ажратилади. Бу 2019 йилда тасдиқланган параметрлардан 23 фоизга кўпдир.
Пенсия таъминоти учун 8 триллион сўм миқдорида маблағ ажратиш кўзда тутилган.
«Фуқаролар учун бюджет»нинг 2020 йилга мўлжалланган лойиҳасини тўлиқ кўринишда қуйидаги ҳавола орқали PDF форматда юклаб олиш мумкин.
Изоҳ (0)