Жорий йилнинг 30 октябрь куни ижтимоий тармоқларда Самарқанд шаҳридаги «Ҳазора» маҳалласида етим болани хўрлашганлиги тўғрисида видео тарқалди. Мазкур видео тарқалганидан сўнг Самарқанд шаҳри ИИО ФМБ ходимлари томонидан тезкор суриштирув ишлари олиб борилди.
Самарқанд вилоят ИИБ матбуот хизматининг маълум қилишича, ҳолат юзасидан олиб борилган дастлабки терговолди текширув давомида Самарқанд шаҳар Зиёкорлар кўчасида яшовчи 18 ёшли У.Ҳ. онасини ножўя сўзлар билан ҳақорат қилиб, гапларига қулоқ солмасдан, алкогол ва тамаки маҳсулотларини истемол қилишга ружу қўйган. Шу сабабли У.Ҳ.нинг онаси қариндоши 31 ёшли И.Ҳ.га ўғлини тарбиялаш ва тўғри йўлга солиб қўйишни сўраган.
Аниқланишича, мазкур видео 2019 йилнинг август ойи ўрталарида олинган бўлиб, И.Ҳ. қариндоши У.Ҳ.ни Спитамен шоҳкўчасида жойлашган темирчилик устахонасига олиб бориб, у ерда укаси 22 ёшли И.И. билан биргаликда турли жисмлар, яъни велосипед ғилдирагининг чарми ва арқон билан уриб дўппослаган.
И.И. ўзи билан биргаликда устахонада ишловчи 15 ёшли С.Б.га ушбу ҳолатни видеотасвирга олишни айтган.
Мазкур видеони 2019 йилнинг октябрь ойида 36 ёшли Ф.К. видеотасвирдаги қонунбузарларга нисбатан чора кўрилиши учун Facebook ижтимоий тармоғида тарқатиб юборган.
Айни пайтда мазкур ҳолат юзасидан Самарқанд шаҳри ИИО ФМБ Тергов бўлими томонидан терговга қадар суриштирув ишлари олиб борилмоқда.
Изоҳ (0)