Ўзбекистон тарихидаги энг машҳур молиявий пирамидани қурган чинозлик Аҳмадбой (Аҳмаджон Турсунбоев) ва унинг шерикларига нисбатан навбатдаги суд ҳукми эълон қилинди. Бу ҳақда «Дарё»га Олий суд расмий котиби Азиз Обидов маълум қилди.
Аҳмадбой ва унинг жиноий шерикларига нисбатан ўтган йили жиноят ишлари бўйича Тошкент вилоят суди ҳукм чиқарган эди. Унга кўра, Аҳмаджон Турсунбоевга 13 йил озодликдан маҳрум этиш жазоси тайинлган, 1 йил тадбиркорлик фаолияти билан шуғулланиш тақиқланган ва энг кам иш ҳақининг 400 баравари миқдорида жаримага тортилганди.
Мавзуга доир: Аҳмадбой: «Пулнинг ҳаммаси талон-торож бўлиб кетган»
Мазкур жиноят иши жиноят ишлари бўйича Тошкент вилоят судининг судьяси Х. Шермуҳамедов раислигида кўриб чиқилди.
Суд жиноят иши материалларини ҳар томонлама ва тўлиқ ўрганиб, Аҳмаджон Турсунбоевни Жиноят кодексининг 168-моддаси (фирибгарлик) 3-қисми «а», «в» бандларида кўзда тутилган жиноятни содир этишда айбдор деб топиб, унга ушбу модда билан 9 йил озодликдан маҳрум қилиш жазоси тайинлади.
Мавзуга доир: Аҳмадбой: Одамлар худодан қўрқсин. Улар пулни ўз хоҳиши билан олиб келган, ҳеч ким мажбурламаган (видео)
Шу билан бирга, Аҳмаджон Турсунбоевга тайинланган озодликдан маҳрум қилиш жазосининг ўталмаган муддати, Олий Мажлис Сенатининг 2016 йил 12 октябрдаги «Ўзбекистон Республикаси Конституцияси қабул қилинганлигининг йигирма тўрт йиллиги муносабати билан амнистия тўғрисида»ги Қарорининг 6-банди «б» кичик бандига асосан тўртдан бир қисмига қисқартирилди. Жазони умумий тартибли колонияларда ўташ ва жаримани давлат даромади ҳисобига ундириш белгиланди.
Ушбу суд жараёнида 230 дан зиёд жабрланувчилар кўрсатмалари тингланди ва уларга етказилган моддий зарар ундирилиши белгиланди.
Мавзуга доир: Видео: Чинозлик Аҳмадбойнинг суддаги сўнгги сўзи
Изоҳ (0)