Чита ҳарбий суди Байкалорти ўлкасидаги ҳарбий қисмда отишма уюштирган ва 8 кишининг ўлимига сабабчи бўлган муддатли хизмат аскари Рамил Шамсутдиновни ҳибсга олишга санкция берди. Бу ҳақда «ТАСС» маълум қилди.
Суд қарорига кўра, Шамсутдинов икки ой — то 27 декабргача ҳибсда қолади.
Шунингдек, унга фожиа сабабларини аниқлаш ва ҳодиса чоғида аскарнинг руҳий ҳолатига ойдинлик киритиш учун психологик-психиатрик экспертиза тайинланган.
Тюмен вилоятида ички ишлар ходимлари оиласида улғайган Шамсутдиновга «Икки ва ундан ортиқ кишини ўлдириш» моддаси бўйича айблов эълон қилинди. Мазкур модда бўйича у умрбод қамоқ жазосига ҳукм қилиниши мумкин.
Изоҳ (0)