Россиянинг Тожикистонда жойлашган 201-ҳарбий базасига илк бор С-300ПС зенит-ракета тизимлари дивизион комплекти етказиб берилди. Бу ҳақда «ТАСС» хабар бермоқда.
Дивизион комплект Марказий ҳарбий округнинг Волгабўйидаги қурол-аслаҳа омборидан темир йўл транспорти орқали етказилган. Ҳозирда россиялик ҳарбийлар техникани жойлаштириш учун базада муҳандислик ишларини олиб бормоқда.
«Тайёргарлик ишлари якунлангандан сўнг дивизион комплект Тожикистонда ҳаво ҳужумига қарши мудофаа бўйича жанговар навбатчиликка киришади. Унинг асосий вазифаси 201-ҳарбий база объектлари, шунингдек, Марказий Осиё минтақасини ҳарбий-космик ҳужумдан ҳимоя қилиш ҳисобланади», — дейилади Марказий ҳарбий округ матбуот хизмати хабарида.
Дивизион таркибига 30 га яқин техника, жумладан, қўмондонлик пункти, радиолокаторлар, старт қурилмалари, кузатув тизимлари, таъминот машиналари кирди.
Изоҳ (0)