Жорий йилнинг 8—16 октябрь кунлари Тошкент шаҳрида Германиянинг халқаро ҳамкорлик бўйича Жамғарма кассалари фонди (Sparkassenstiftung für international Kooperation) ташаббуси билан ташкил этилган «Жамғарма» режали ўйини учун «Тренинглар учун тренинг» мавзусида семинар ташкил этилди.
Мазкур семинарда муваффақиятли иштирок этиб, сертификатлар билан тақдирланган «Микрокредитбанк» АТБнинг 5 нафар ходими Жамғарманинг таклифига биноан жорий йилнинг 4—11 ноябрь кунлари Германияда (Вальдхаузенда, Райнланд Пфалц) ташкил этиладиган қизиқарли ва кенг қамровли муҳим малака ошириш тадбирида иштирок этади.
Дастлаб ташриф Вальдхаузендаги Жамғарма кассалар академиясида бўлади. Интенсив равишда тренерлар малакасини ошириш билан бирга ўзига хос равишда ташриф дастурида Германия қишлоқ хўжалиги долзарб мавзуларига доир бир қатор амалиётга назар ташлаш экскурсиялари ҳам ўрин олган.
Ташриф доирасида Бинген Техника олийгоҳига ташриф чоғида Қишлоқ хўжалиги факультети ва Экология факультети, профессор билан дискуссия ва Ванделинхоф экспериментал хўжалигига ташриф режалаштирилган.
Бундан ташқари Боппарддаги Биогаз қурилмаси, Соонвальд сут фермаси, Вино заводи, Қишлоқ аёллар уюшмаси «Қишлоқ хўжалигида туризм» ва «Аппел Хаппел» оилавий ташкилоти, мева етиштириш ва қайта ишлашга ихтисослашган типик Био деҳқон уйига ташриф буюрилиб, бевосита кўздан кечирилади, шунингдек Power to Gas–қишлоқ хўжалиги чиқиндиларидан энергия олишда фойдаланиш жараёнлари билан танишиш кўзда тутилган.
Реклама ҳуқуқи асосида.
Изоҳ (0)