24—27 октябрь кунлари Душанбе шаҳрида Ўзбекистон—Тожикистон давлат чегарасини демаркация қилишнинг ташкилий-ҳуқуқий масалаларини келишиш бўйича Ўзбекистон ва Тожикистон делегацияларининг навбатдаги учрашуви бўлиб ўтди, деб хабар беради ТИВ матбуот хизмати.
Музокаралар чоғида Ўзбекистон—Тожикистон давлат чегарасини демаркация қилишнинг норматив-ҳуқуқий ва техник ҳужжатлари лойиҳалари ҳамда 2020 йилдаги учрашувларнинг режа-жадвали келишиб олинди.
Юқорида кўрсатилган ҳужжатларни тасдиқлаш учун қўшма демаркация комиссиясига киритиш тўғрисида келишувга эришилди.
Тадбир якунида Ўзбекистон Ер ресурслари, геодезия, картография ва давлат кадастри бўйича давлат қўмитаси раисининг биринчи ўринбосари Тўлқин Абдуллаев ва Тожикистон Ер бошқаруви ва геодезия давлат қўмитаси раисининг биринчи ўринбосари Азизмамад Каримзода учрашув баённомасини имзолади.Учрашув дўстона ва ҳамжаҳитлик руҳида бўлиб ўтди.
Келишувга кўра, қўшма демаркация комиссиясининг биринчи йиғилиши Ўзбекистонда ўтказилади.
Изоҳ (0)