«Ўзбекистон Республикаси Олий Мажлисининг Инсон ҳуқуқлари бўйича вакили (Омбудсман) тўғрисида»ги қонунига мувофиқ омбудсман томонидан мониторинг гуруҳи 21 октябрь куни Нафосат Оллошукурова билан учрашди. Бу ҳақда Инсон ҳуқуқлари бўйича вакилининг расмий сайтида хабар берилди.
Нафосат Оллошукурова 26 сентябрь куни суд қарорига кўра, Хоразм вилоятининг психологик касалликлар диспансерида мажбурий даволанишга жойлаштирилган эди.
Мониторинг гуруҳи таркибида омбудсман вакилидан ташқари, Ўзбекистон Хотин-қизлар қўмитасидан, «Эзгулик» Ўзбекистон инсон ҳуқуқлари жамияти ва «Нажот» инсон ҳуқуқлари ташкилоти раҳбарлари, шунингдек, вилоят психиатриянинг етакчи мутахассислари иштирок этди.
Ташриф пайтида мониторинг гуруҳи Нафосат Оллошукуровага нисбатан барқарор руҳий ҳолатда эканлиги ва мулоқотни давом эттиришга қодир эканлигига ишонч ҳосил қилинган.
Мавзуга доир: ИИВ раҳбарияти билан учрашиш учун Хоразмдан Тошкентга пиёда йўлга чиққан журналист Маҳмуд Ражаповга шартли жазо берилди
Нафосат Оллошукурова ўзини маъмурий жавобгарликка тортиш учун асос бўлган ҳаракатларидан афсусда эканлигини билдирган.
Мониторинг гуруҳи таркибидаги тиббиёт ходимлари томонидан Нафосат Оллошукурованинг ҳолати ўрганилганида, ташхис ХКС-10 касалликларини халқаро таснифлаш мезонлари ва клиник белгилар бўйича даволаш мақсадларига жавоб беради. Ташриф вақтида мутахассислар беморнинг аҳволи яхшиланганини қайд этган. Шу билан бирга, тушкунликнинг давом этаётган элементлари ва белгиланган даволаш курсини ўтказиш зарурлиги таъкидланади. Диспансер шифокорларини тайинлашда инсоннинг ақлий фаолиятини сусайтирадиган кучли дорилар берилмаган.
Нафосат Оллошукурова телефон орқали ота-онаси билан гаплашган, соғлиғи, ўзининг сақланиши учун қулай шароитлар ва тиббиёт ходимларига ҳурмат ҳақида маълумот берган. Нафосат Оллошукурова кунига тўрт марта иссиқ овқат билан таъминланган.
Суҳбатда юқорида айтилганлар билан бир қаторда, у ўзининг моддий фаровонлигидан ташвиш билдирган ва даволанишни тугатгандан сўнг иш топишни хоҳлашини айтган.
Мавзуга доир: Бош прокуратура Нафосат Оллошукурова Хоразм вилоят руҳий асаб касалликлари диспансерида даволанаётганини маълум қилди
Эслатиб ўтамиз, 23 сентябрь куни соат 12:00 ларда вилоят ички ишлар органлари томонидан ҳуқуқбузарлик содир қилган фуқаро Маҳмуд Ражапов, унинг яқин қариндошлари ҳамда Facebook’да Шабнам Оллашукурова номли гуруҳ блогери Нафосат Оллашукуроваларга нисбатан маъмурий иш қўзғатилган эди. Дастлаб, Нафосат Оллашукуровага нисбатан Маъмурий жавобгарлик тўғрисидаги кодекснинг 183, 194, 195 ва 202-моддалари билан 10 сутка маъмурий қамоқ жазоси тайинланган. Бироқ 26 сентябрда Нафосат Оллашукурова маъмурий қамоқ жазосини ўтаётган пайтида руҳиятида ўзгаришлар сезилганлиги учун тез тиббий ёрдам чақиртирилиб, психиатрнинг тавсияси билан уни вилоят руҳий асаб касалликлари диспансерида кўрикдан ўтказиш учун олиб кетилган.
Изоҳ (0)