“O‘zbekiston Respublikasi Oliy Majlisining Inson huquqlari bo‘yicha vakili (Ombudsman) to‘g‘risida”gi qonuniga muvofiq ombudsman tomonidan monitoring guruhi 21-oktabr kuni Nafosat Olloshukurova bilan uchrashdi. Bu haqda Inson huquqlari bo‘yicha vakilining rasmiy saytida xabar berildi.

Nafosat Olloshukurova 26-sentabr kuni sud qaroriga ko‘ra, Xorazm viloyatining psixologik kasalliklar dispanserida majburiy davolanishga joylashtirilgan edi.

Monitoring guruhi tarkibida ombudsman vakilidan tashqari, O‘zbekiston Xotin-qizlar qo‘mitasidan, “Ezgulik” O‘zbekiston inson huquqlari jamiyati va “Najot” inson huquqlari tashkiloti rahbarlari, shuningdek, viloyat psixiatriyaning yetakchi mutaxassislari ishtirok etdi.

Tashrif paytida monitoring guruhi Nafosat Olloshukurovaga nisbatan barqaror ruhiy holatda ekanligi va muloqotni davom ettirishga qodir ekanligiga ishonch hosil qilingan.

Suhbat davomida u tibbiyot muassasasi xodimlarining ijobiy munosabati va unga hech qanday ruhiy yoki jismoniy ta’sir ko‘rsatilmayotganini ta’kidlagan.

Nafosat Olloshukurova o‘zini ma’muriy javobgarlikka tortish uchun asos bo‘lgan harakatlaridan afsusda ekanligini bildirgan.

Monitoring guruhi tarkibidagi tibbiyot xodimlari tomonidan Nafosat Olloshukurovaning holati o‘rganilganida, tashxis XKS-10 kasalliklarini xalqaro tasniflash mezonlari va klinik belgilar bo‘yicha davolash maqsadlariga javob beradi. Tashrif vaqtida mutaxassislar bemorning ahvoli yaxshilanganini qayd etgan. Shu bilan birga, tushkunlikning davom etayotgan elementlari va belgilangan davolash kursini o‘tkazish zarurligi ta’kidlanadi. Dispanser shifokorlarini tayinlashda insonning aqliy faoliyatini susaytiradigan kuchli dorilar berilmagan.

Nafosat Olloshukurova telefon orqali ota-onasi bilan gaplashgan, sog‘lig‘i, o‘zining saqlanishi uchun qulay sharoitlar va tibbiyot xodimlariga hurmat haqida ma’lumot bergan. Nafosat Olloshukurova kuniga to‘rt marta issiq ovqat bilan ta’minlangan.

Suhbatda yuqorida aytilganlar bilan bir qatorda, u o‘zining moddiy farovonligidan tashvish bildirgan va davolanishni tugatgandan so‘ng ish topishni xohlashini aytgan.

Monitoring guruhining Nafosat Ollashukurova bilan uchrashuvida uning tug‘ishgan ukasi Tojimurod ishtirok etgan.

Eslatib o‘tamiz, 23-sentabr kuni soat 12:00 larda viloyat ichki ishlar organlari tomonidan huquqbuzarlik sodir qilgan fuqaro Mahmud Rajapov, uning yaqin qarindoshlari hamda Facebook’da Shabnam Ollashukurova nomli guruh blogeri Nafosat Ollashukurovalarga nisbatan ma’muriy ish qo‘zg‘atilgan edi. Dastlab, Nafosat Ollashukurovaga nisbatan Ma’muriy javobgarlik to‘g‘risidagi kodeksning 183, 194, 195 va 202-moddalari bilan 10 sutka ma’muriy qamoq jazosi tayinlangan. Biroq 26-sentabrda Nafosat Ollashukurova ma’muriy qamoq jazosini o‘tayotgan paytida ruhiyatida o‘zgarishlar sezilganligi uchun tez tibbiy yordam chaqirtirilib, psixiatrning tavsiyasi bilan uni viloyat ruhiy asab kasalliklari dispanserida ko‘rikdan o‘tkazish uchun olib ketilgan.