Ироқ мудофаа вазири Нажоҳ аш-Шамарий АҚШ ҳарбийларининг мамлакат ҳудудини тўрт ҳафта ичида тарк этишини эълон қилди, деб хабар бермоқда «ТАСС».
Вазирнинг сўзларига кўра, Туркиянинг «Тинчлик булоғи» ҳарбий операцияси сабаб Сурия ҳудудидан чиқарилиб Ироққа ўтказилган Америка қўшини бир ой ичида мамлакатдан чиқарилиб Қатар ёки Кувайт томон йўл олади.
«Суриядан кириб келган АҚШ қўшини тўрт ҳафта ичида Ироқ ҳудудидан чиқиб кетади. Америкалик ҳарбийлар Кувайт ёки Қатарга кетади» — дея таъкидлаган Ироқ мудофаа вазири Нажоҳ аш-Шамарий.
23 октябрь, чоршанба тонгида Пентагон раҳбари Марк Эспер норасмий ташриф билан Бағдодга келган. У Ироқда мамлакат мудофаа вазири Аш-Шамарий ҳамда бош вазир Одил Абдул Маҳдий билан америкалик ҳарбийларнинг Суриядан чиқиб кетишини муҳокама қилишни режалаштирган.
Мавзуга доир: Ироқ ҳукумати Суриядаги вазият сабаб мамлакат яна уруш ёқасига келиши мумкинлигидан хавотирдалигини билдирди
Изоҳ (0)