Қирғизистон бош вазири Муҳаммадкалий Абулғозиев нефтнинг айрим турлари ва автотранспорт учун нефть маҳсулотларининг импортини вақтинчалик тақиқлаш ҳақида фармойишни имзолади. Бу ҳақда Қирғизистон ҳукуматининг ахборот хизмати хабар берган.
Берилган хабарга кўра, Қирғизистон ҳукуматининг ушбу қарори соядаги иқтисодиёт улушини камайтириш ва нефть маҳсулотлари контрабандасига қарши кураш мақсадида қабул қилинган.
Шунингдек, ҳукумат аппарати вакиллари фармойишнинг қабул қилинишини мамлакатга олиб келинаётган АЁҚШларда сотиш учун мўлжалланган нефть маҳсулотлари тез-тез товар позициясида расмийлаштирилаётгани билан изоҳлаган.
«Шундай йўл билан Қирғизистонга олиб кирилган нефть маҳсулотлари бозорда 15—20 фоизга арзонроқ сотилмоқда. Контрабанда йўли билан келтирилган нефть маҳсулотларидан эса акциз солиғи ундирилмаяпти», — дейилган Қирғизистон вазирлар маҳкамасининг ахборот хизмати берган хабарда.
Изоҳ (0)