Футбол бўйича Италия А Сериясининг 8-тури доирасида 20 октябрь, якшанба куни 6 та ўйин бўлиб ўтди.
Антонио Конте қўл остидаги Миланнинг «Интер» жамоаси меҳмонда «Сассуоло»га қарши майдонга тушди.
Учрашувда нерадзуррилар аъзолари Лаутаро Мартинес (2, 71, пенальти) ҳамда Ромелу (38, 45, пенальти) 2 тадан голга муаллифлик қилган бўлса, мезбонлардан Доменико Берарди (16), Филип Журичич (74) ва Жереми Бога (81) ўз номига биттадан гол ёздириб қўйди.
Шу тариқа «Интер» «Сассуоло»ни 4:3 ҳисобида мағлубиятга учратди ва муҳим 3 очкога эга бўлди.
Мазкур ғалабадан сўнг Милан клуби очколари сонини 21 тага етказиб олди ва жамоа мусобақа жадвалида 2-поғонада бормоқда. «Сассуоло» эса 6 очко йиғиб 17-ўринни эгаллаб турибди.
Паулу Фонсека бошлиқ Римнинг «Рома» клуби сафарда «Сампдория» билан ўйнади.
Беллашув давомида дарвозаларга гол урилмади ва ўйин 0:0 ҳисобида якунланди.
Таъкидлаш жоиз, «Рома» 13 очко тўплаб мусобақа жадвалида 6-ўринни банд қилиб турибди. Сўнгги ўринда бораётган «Сампдория» ҳисобида эса 4 очко мавжуд.
Шу куни Стефано Пиоли бошқарувига ўтган «Милан» эса «Джузеппе Меацца» стадионида «Лечче»ни қабул қилди.
Тўқнашув давомида «россонерилар» вакиллари Хоқон Чалхонўғлу (20) ва Кшиштоф Пёнтек (81) рақиб дарозасига гол урган бўлса, меҳмонлардан Хума ал-Бабакар (62) ҳамда Марко Кальдерони (90+2) Жанлуижи Доннарумма қўриқлаётган дарвозани ишғол қилишга эришди.
Натижада «Милан» ўз майдонида кечган баҳсда «Лечче» билан 2:2 ҳисобида дуранг ўйнади ва томонлар бир очкодан бўлишиб олди.
Маълумот учун, миланликлар 10 очко жамғарган ҳолда мусобақа жадвалида 12-ўринда бормоқда. «Лечче» эса 7 очко билан 15-ўринни эгаллаб турибди.
А Серия
8-тур баҳслари
20 октябрь, якшанба
«Сассуоло»—«Интер» 3:4
Голлар: 0:1 — 2 Мартинес, 1:1 — 16 Берарди, 1:2 — 38 Лукаку, 1:3 — 45, пенальти Лукаку, 1:4 — 71, пенальти Мартинес, 2:4 — 74 Журичич, 3:4 — 81 Бога«Кальяри»—СПАЛ 2:0
Голлар: 1:0 — 9 Наингголан, 2:0 — 67 Фараго«Сампдория»—«Рома» 0:0
«Удинезе»—«Торино» 1:0
Гол: 1:0 — 42 Окака Чука«Парма»—«Женоа» 5:1
Голлар: 1:0 — 38 Куцка, 2:0 — 42 Корнелиус, 3:0 — 45 Корнелиус, 4:0 — 50 Корнелиус, 4:1 — 52 Пинамонти, 5:1 — 79 Кулусевски«Милан»—«Лечче» 2:2
Голлар: 1:0 — 20 Чахонўғлу, 1:1 — 62 ал-Бабакар, 2:1 — 81 Пёнтек, 2:2 — 90+2 КальдерониЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)