«Тоттенҳэм» ярим ҳимоячиси Кристиан Эриксен трансфер бозорида бир қатор клублар қизиқишларига сабаб бўлмоқда.
Daily Mail нашрининг хабар қилишича, 27 ёшли даниялик футболчини ПСЖ ўз сафида кўришни мақсад қилган. Парижликлар Эриксенни мавсум сўнггида текинга қўлга киритишни мўлжал қилмоқда. Ёзда Кристианнинг «Тоттенҳэм» билан амалдаги шартномаси тугайди.
Шунингдек, ПСЖ 2020 йилнинг ёзида ярим ҳимоячилар Леандро Паредес ва Юлиан Дракслер билан хайрлашмоқчи.
Аввалроқ Эриксен январдаёқ «Реал»га йўл олиши мумкинлиги хабар қилинганди. Унга шунингдек, «Бавария» ва «Ювентус»дан ҳам қизиқиш бор.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)