Ўзбекистон Ташқи ишлар вазирлигида 18 октябрь куни халқаро ҳуқуқ кодификацияси ва унинг прогрессив ривожланиши масалалари бўйича идоралараро экспертлар гуруҳининг йиғилиши бўлиб ўтди, дея хабар бермоқда ТИВ матбуот хизмати.
Тадбирда Олий суд, Бош прокуратура, Ички ишлар вазирлиги, Адлия вазирлиги, шунингдек, Президент ҳузуридаги Давлат бошқарув академияси, Жаҳон иқтисодиёти ва дипломатия университети, Тошкент давлат юридик университети, Стратегик таҳлил ва истиқболни белгилаш олий мактаби ва бошқа идораларнинг вакиллари иштирок этган.
Учрашув давомида Халқаро ҳуқуқ комиссияси томонидан қуйидаги мавзулар бўйича ишлаб чиқилаётган моддалар ва хулосаларнинг лойиҳалари кўриб чиқилган. ТИВ матбуот хизматига хабарига кўра, лойиҳалар қуйидагича бўлган:
- «Умумий халқаро ҳуқуқнинг императив нормалари»;
- «Инсониятга қарши жиноятларни олдини олиш ва улар учун жазо»;
- «Ҳуқуқнинг умумий тамойиллари»;
- «Давлат мансабдор шахсларининг чет эл жиноий юрисдиксиясидан иммунитети».
Изоҳ (0)