TIVda bo‘lgan ekspertlar uchrashuvida O‘zbekiston tomonining mavqei bo‘yicha takliflar ishlab chiqildi

O‘zbekiston Tashqi ishlar vazirligida 18-oktabr kuni xalqaro huquq kodifikatsiyasi va uning progressiv rivojlanishi masalalari bo‘yicha idoralararo ekspertlar guruhining yig‘ilishi bo‘lib o‘tdi, deya xabar bermoqda TIV matbuot xizmati.

Tadbirda Oliy sud, Bosh prokuratura, Ichki ishlar vazirligi, Adliya vazirligi, shuningdek, Prezident huzuridagi Davlat boshqaruv akademiyasi, Jahon iqtisodiyoti va diplomatiya universiteti, Toshkent davlat yuridik universiteti, Strategik tahlil va istiqbolni belgilash oliy maktabi va boshqa idoralarning vakillari ishtirok etgan.

Uchrashuv davomida Xalqaro huquq komissiyasi tomonidan quyidagi mavzular bo‘yicha ishlab chiqilayotgan moddalar va xulosalarning loyihalari ko‘rib chiqilgan. TIV matbuot xizmatiga xabariga ko‘ra, loyihalar quyidagicha bo‘lgan:

• “Umumiy xalqaro huquqning imperativ normalari”;
• “Insoniyatga qarshi jinoyatlarni oldini olish va ular uchun jazo”;
• “Huquqning umumiy tamoyillari”;
• “Davlat mansabdor shaxslarining chet el jinoiy yurisdiksiyasidan immuniteti”.