Тармоқларда Тошкентнинг Яшнобод тумани аҳолиси Халқ депутатлари Бўстонлиқ тумани Кенгаши депутати, «Миллий тикланиш» партиясидан бўлган Кабул Дусов Махтумқули кўчасидан 22-авиашаҳарчага алоҳида ўзи учун кириш йўлини очмоқчилигидан норозилиги тасвирланган видео тарқалгани ҳақида хабар берилган эди.
Repost нашри депутатдан мазкур ҳолат бўйича изоҳ олди.
Депутатнинг айтишича, у аҳолига қулайлик яратиш учун янги йўл очмоқчи бўлган. Одамлар бекатгача 500 — 600 метр йўл юриб боришига тўғри келган. Депутатнинг сўзларига кўра, у барча ҳужжатларни расмийлаштирган, Тошкент шаҳар ҳокимиятидан, шаҳар Йўл ҳаракати хавфсизлиги бошқармасидан ва бошқа ташкилотлардан рухсат олган, бироқ аҳоли бунга қарши чиққан.
«Улар мендан йўл қурмасликни сўрамоқда. Бироқ мен улардан ҳеч нарса сўрамайман, барча қурилиш ишларини ўзим молиялаштираман. Шунчаки у ерда уй-жой ширкатининг провокаторлари ва бошқа кишилар бор эди. Мен биринчи қаватдан ўзимга офис сотиб олдим. У ерда ҳеч ким 16 ойлик коммунал тўловларни тўламаган. Уй-жой ширкати ходимлари мендан ярим йил учун коммунал тўловларни тўлашни сўради, мен эса уларга буни рад қилдим, чунки ҳаммасини бирданига тўламоқчи эдим. Улар эса мендан норози бўлди. Энди эса улар мендан норози бўлиб, қурилиш билан шуғулланишимга қўймаяпти. Ҳатто барча зарур ҳужжатлар бўлса ҳам», — деган Кабул Дусов.
Депутат янги йўлнинг унинг офиси учун қурилаётгани ҳақидаги саволга жавоб берган.
Унга кўра, янги йўл бутун маҳалла бўйлаб ўтади. Кабул Дусовнинг сўзларига кўра, кексалар автобусга ёки таксига чиқиш учун тахминан 500 метр пиёда юришга мажбур бўлади. «Болалар майдончасига келсак, у дастлаб у ерда бўлмаган. Улар болалар майдончаси деб атаётган жойда эса бир нечта чиқинди контейнери бўлган. Мен эса бу чиқиндини тозладим ва тартибга келтирдим», — дея сўзини якунлаган депутат.
Эслатиб ўтамиз, депутат Кабул Дусов аёлларнинг сиёсатга аралашишини қоралаб ҳамда Шавкат Мирзиёевдан уйғурларни ҳимоя қилишни илтимос қилиб ёзган постлари орқали танилган эди.
Изоҳ (0)