Дубай амирлигининг тахт вориси Шайх Ҳамдан бин Муҳаммад Ол Мактум бошчилигидаги делегация 13 октябрь куни Ўзбекистонга ташриф буюрди.
Мавзуга доир:
https://twitter.com/groupfazza/status/1184496536140554240
«Kun.uz»нинг қайд этишича, Навоий шаҳридан қарийб 50 километр узоқликдаги чўл ҳудудида 300 гектар ер майдонни эгаллаган «Амирликларнинг йўрға тувалоқни асраш маркази» (АЙТАМ) жойлашган.
Марказ БАА вице-президенти, Дубай амири Шайх Муҳаммад бин Рошид Ол Мактум ташаббуси билан 2008 йил апрель ойида ташкил этилган.
АЙТАМ фаолиятининг асосий мақсади — Ўзбекистонда Осиё йўрға тувалоғининг барқарор популяциясини қўллаб-қувватлаш, уларни кўпайтириш, асраш, ҳамда ҳар йили қушларни ёввойи табиий муҳитга қўйиб юбориш каби тадбирлар мажмуасидан иборат.
Қушларни ёввойи табиатга учириш мавсуми асосан сентябрь—октябрь ойлари ҳисобланади. 2012 йилдан шу вақтга қадар марказ томонидан табиатга 10 мингга яқин йўрға тувалоқ ёввойи табиатга учирилган.
Изоҳ (0)