Онлайн-аукционга иккита эски Lincoln автомобили қўйилди. Бу ҳақда «Э-аукцион» маълумотлар маркази хабар бермоқда.
Lincoln Continental 1984 йилда ишлаб чиқарилган бўлиб, унинг босиб ўтган масофаси 220 161 километр, Lincoln Town Car 1992 йилда ишлаб чиқарилган ҳамда босиб ўтган масофаси 240 130 километрни ташкил этади.
Қайд этилишича, автомобилларнинг техник ҳолати яхши, бироқ уларнинг техник паспорти йўқ. Town Car автомобилида аккумулятор ишламайди.
Автомобильларни Мудофаа вазирлиги таъминот бўлими харидлари бошқармаси сотувга қўйган.
Continental автомобилининг бошланғич нархи 96 миллион сўм, Town Car’нинг бошланғич нархи эса 82 миллион сўм.
Аризалар 27 октябрга қадар қабул қилинади. Кимошди савдоси 29 октябрь куни бўлиб ўтади.
Изоҳ (0)