Президент Шавкат Мирзиёев 2030 йилгача олий таълим тизимини ривожлантириш концепциясини тасдиқловчи қарорга имзо чекди, деб хабар беради «Gazeta.uz».
Концепция доирасида 2030 йилга қадар 70 дан ортиқ мақсадлар тасдиқланди. Улар орасида олий маълумотли битирувчиларни қамраб олиш даражасини 20 фоиздан 50 фоизгача ошириш, нодавлат олий таълим муассасалари, хусусан, давлат-хусусий шерикчилиги асосида 5 фоиздан 35 фоизга, кредит-модул тизимини 2 фоиздан 85 фоизга ошириш белгиланган.
Олий ва ўрта таълим вазири Ином Мажидовнинг айтишича, мазкур концепция «реал вазиятлар» таҳлили асосида тузилган. Унинг сўзларига кўра, ҳужжат халқаро экспертлар экспертизасидан ўтган.
Концепциянинг асосий вазифалари қаторида давлат ва нодавлат университетларини очиш ва соғлом рақобатни яратиш орқали давлат-хусусий шерикчилигини ривожлантириш ва битирувчиларнинг 50 фоиздан ортиғини олий маълумотга қабул қилиш даражасини ошириш ҳисобланади.
Ўзбекистон Миллий университети ва Самарқанд давлат университетинини илғор университетларга айлантириш ва улардаги таълим даражасини дунёнинг 500 та энг яхши университетлари қаторига қўшиш режалаштирилмоқда. Шунингдек, камида 10 та университетни энг яхши 1000 та халқаро олий таълим муассасалари рейтингига киритиш режа қилинган.
Концепцияда «Университет 3.0» концепциясига ўтишни кўзда тутилган бўлиб, унинг доирасида университетлар, технопарклар, лабораториялар, инкубаторлар ва ҳатто музейларда кенг илмий тадқиқотлар олиб борилади.
Изоҳ (0)