Сурхондарёдаги мактабда рафиқаси билан жанжаллашган эркак, хотини ва уларни ажратмоқчи бўлган директорга пичоқ урди. Бу ҳақда Бош прокуратура матбуот хизмати хабар берди.
Маълум бўлишича, 5 октябрь куни соат 08:30 ларда Сурхондарё вилояти, Музработ туманидаги 23-мактабда 37 ёшли Б.Й. турмуш ўртоғи билан ўзаро жанжаллашиб, ошхона пичоғи билан қорин соҳасига бир маротаба урган. Сўнг уларни ажратмоқчи бўлган мактаб директорининг ҳам танасининг турли қисмларига уч маротаба пичоқ билан уриб, қасддан ўлдиришга ҳаракат қилган.
Ҳолат юзасидан шу куни туман прокуратураси томонидан Б.Й.га нисбатан Жиноят кодексининг 25-моддаси (Жиноятга тайёргарлик кўриш ва жиноят содир этишга суиқасд қилиш) ва 97-моддаси 1-қисми (Қасддан одам ўлдириш) билан жиноят иши қўзғатилган. Ушбу модда бўйича айбдор деб топилган шахслар 10 йилдан 15 йилгача озодликдан маҳрум қилиш билан жазоланади.
Ҳозирда Б.Й. процессуал тартибда ушланган бўлиб, тергов ҳаракатлари олиб борилмоқда.
Изоҳ (0)