Киев марказидаги Мустақиллик майдонида Донбасснинг алоҳида мақоми ҳақидаги қонун қабул қилинишига қарши норозилик акцияси бўлиб ўтмоқда. Бу ҳақда «Интерфакс» хабар берди.
«Капитуляцияни тўхтатамиз!» шиори остидаги митинг тушки пайт бошланди ва 10 мингга яқин кишини тўплади.
Норозилик акцияси иштирокчилари «Штайнмайер формуласи» — Донбассга алоҳида мақом бериш ва Украина қўшинларини ажратиш линиясидан олиб чиқилишига қарши чиқмоқда. Киев марказида митингга тўпланганлар мамлакат расмийларининг мазкур қарорини «капитуляция» ва миллий манфаатларнинг бой берилиши деб баҳоламоқда.
Изоҳ (0)