Футбол бўйича Англия Премьер лигасининг 8-тури доирасида 6 октябрь, якшанба куни 3 та ўйин бўлиб ўтди.

Фото: Reuters

Унаи Эмери қўл остидаги Лондоннинг «Арсенал» клуби «Эмирейтс»да «Борнмут»ни қабул қилди.

Учрашувдаги ягона гол 9-дақиқада урилди. Унга «тўпчилар» ҳимоячиси Давид Луиз муаллифлик қилди.

Шу тариқа «Арсенал» ўз уйида Давид Луизнинг ягона голи эвазига ғалаба қозонди ва 3 очкога эга бўлди.

Ушбу ғалабадан сўнг «Арсенал» очколари сонини 12 тага етказиб олди ва мусобақа жадвалида 7-ўринга кўтарилиб олди. «Борнмут» эса 11 очко тўплаб, 10-ўринда бормоқда.

Шу куни Хосеп Гвардиола бошқарувидаги «Манчестер Сити» ўз майдонида «Вулверҳэмптон» билан баҳсга киришди.

Беллашувда «бўрилар» ярим ҳимоячиси Адама Траоре дублга эришди.

Натижада «шаҳарликлар» ўз майдонида кечган баҳсда «Вулверҳэмптон»га 0:2 ҳисобида имкониятни бой бериб қўйди ва очко йўқотди.

Маълумот учун, «манкунианлар» 16 очко жамғарган ҳолда мусобақа жадвалида 2-ўринни эгаллаб турибди. «Вулверҳэмптон» эса 10 очко билан 11-ўринга юқорилади.

Фрэнк Лэмпард бошчилигидаги Лондоннинг «Челси» клуби эса сафарда «Саутҳэмптон»ни синовдан ўтказди.

Ўйин давомида «аристократлар» вакиллари Тэмми Абраҳам (17), Мэйсон Маунт (24), Нголо Канте (40) ҳамда Миши Бацҳуайи (89) рақиб дарвозасини ишғол қилган бўлса, мезбонлардан Дэнни Ингз (30) битта голга муаллифлик қилди.

Шу тариқа ўйин 4:1 ҳисобида лондонликлар фойдасига якунланди.

Мазкур ғалабадан сўнг «Челси»нинг очкоси очкоси 14 тага етди ва жамоа 5-ўринни эгаллаб турибди. 16-ўринда бораётган «Саутҳэмптон» ҳисобида эса 7 очко мавжуд.

АПЛ

8-тур баҳслари

6 октябрь, якшанба

«Арсенал»—«Бормунт» 1:0

Гол: 1:0 — 9 Давид Луиз

«Манчестер Сити»—«Вулверҳемтон» 0:2

Голлар: 0:1 — 80 Траоре, 0:2 — 0:2 — 90 Траоре

«Саутҳэмптон»—«Челси» 1:4

Голлар:  0:1 — 17 Абраҳам, 0:2 — 24 Маунт, 1:2 — 30 Ингз, 1:3 — 40 Канте, 1:4 — 89 Бацҳуайи

Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!