Forbes журнали ҳар йили эълон қилинадиган АҚШнинг энг бой 400 кишиси рўйхатини эълон қилди. Бу ҳақда Meduza хабар берди.
Ўтган йилдаги каби биринчи ўриндан Amazon асосчиси Жефф Безос жой олди. Forbes’нинг ҳисоб-китобига кўра, унинг бойлиги 114 миллиард долларни ташкил қилади, ўтган йилда эса унинг миқдори 160 миллиард доллар бўлган. Безос никоҳдан ажралиш жараёнида бир неча ўн миллиард доллардан ажралган. Унинг собиқ рафиқаси Маккензи эса биринчи марта энг бой америкаликлар рўйхатига кирди. Унинг бойлиги 36,1 миллиард доллар бўлиб, 15-ўринни эгаллаган.
Кўп йиллар давомида дунёнинг энг бой кишилари рўйхатига бошчилик қилган Microsoft асосчиси Билл Гейтс мазкур рўйхатда иккинчи ўринни эгаллаган. Forbes Гейтснинг бойлигини 106 миллиард доллар деб баҳоламоқда.
Учинчи ўринда 80,8 миллиард доллар билан инвестор Уоррен Баффет қайд этилган. Баффетдан кейинги қатордан эса Facebook асосчиси Марк Цукерберг жой олган.
Аввалроқ Forbes Россиянинг энг бой оилалари, энг кўп ҳақ тўланувчи актрисалар ва актёрлар рейтингларини эълон қилган эди.
Изоҳ (0)