Ироқ пойтахти Бағдод шаҳридаги норозилик намойишлари полиция билан тўқнашувларни келтириб чиқарди. Бу ҳақда Al-Arabiya хабар берди.
Reuters ахборот агентлиги беш кишининг ҳалок бўлгани ва 115 нафар кишининг жароҳатланганини маълум қилган.
Даставвал ҳуқуқ-тартибот органлари ходимлари резина ўқлар, кўздан ёш оқизувчи газ ва огоҳлантирувчи ўқ отишни қўллаган.
Давлат органлари вакиллари расмий маълумотларда намойишчиларни зўравонликда айблаган ҳамда жароҳатланганлар орасида 40 нафар полициячи борлигини айтган.
Ироқ пойтахтидаги норозилик намойишлари 1 октябрь, сешанба куни бошланди. Намойишларга аҳолининг ишсизлик, коррупция ва ижтимоий хизматлар ишининг сифатсизлиги юзасидан норозилиги сабаб бўлган.
Мамлакат бош вазири Абдул Маҳди маълумотга эга фуқароларни ишга жойлаштиришга, шунингдек, хорижий компаниялардаги 50 фоиз иш ўрнини маҳаллий аҳолига беришга ваъда берди.
Изоҳ (0)