Ўзбекистонда ҳарбий соҳада тажриба алмашиш учун турли давлатлар билан ҳамкорлик йўлга қўйилган. Мазкур ҳамкорлик доирасида Қизил Хоч қўмитаси вакиллари Ўзбекистон Қуролли Кучлари академиясига ташриф буюрди. Бу ҳақда Мудофаа вазирлиги ахборот ва оммавий коммуникациялар департаменти «Дарё»га маълум қилди.
Қуролли Кучлар академиясида Халқаро Қизил Хоч қўмитасининг минтақавий ваколатхонаси томонидан «Қуролли можаролар ҳуқуқи» мавзусида ўқув курслари ташкил этилди.
Икки кун давомида олиб борилган ўқув курсида академиянинг профессор-ўқитувчилари ва тингловчилари, шунингдек, Давлат хавфсизлик хизмати Чегара қўшинлари мутахассислари иштирок этди.
Ўқув курслари давомида делегация вакиллари ва иштирокчилар ўртасида соҳа юзасидан қизғин мунозаралар олиб борилди ҳамда унинг якунларида келажакда соҳа йўналишини янада такомиллаштириш учун истиқболли режалар белгилаб олинди.
Изоҳ (0)