O‘zbekistonda harbiy sohada tajriba almashish uchun turli davlatlar bilan hamkorlik yo‘lga qo‘yilgan. Mazkur hamkorlik doirasida Qizil Xoch qo‘mitasi vakillari O‘zbekiston Qurolli Kuchlari akademiyasiga tashrif buyurdi. Bu haqda Mudofaa vazirligi axborot va ommaviy kommunikatsiyalar departamenti “Daryo”ga ma’lum qildi.
Qurolli Kuchlar akademiyasida Xalqaro Qizil Xoch qo‘mitasining mintaqaviy vakolatxonasi tomonidan “Qurolli mojarolar huquqi” mavzusida o‘quv kurslari tashkil etildi.
Ikki kun davomida olib borilgan o‘quv kursida akademiyaning professor-o‘qituvchilari va tinglovchilari, shuningdek, Davlat xavfsizlik xizmati Chegara qo‘shinlari mutaxassislari ishtirok etdi.
O‘quv kurslari davomida delegatsiya vakillari va ishtirokchilar o‘rtasida soha yuzasidan qizg‘in munozaralar olib borildi hamda uning yakunlarida kelajakda soha yo‘nalishini yanada takomillashtirish uchun istiqbolli rejalar belgilab olindi.
Izoh (0)